Описание книги

Монографияда ҳозирги вақтда болалар ва ўсмирлар ўртасида овқатланиш билан боғлиқ патологиялар ҳамда уларнинг ривожланишида овқатланишнинг роли, болалар овқатланишининг табиати, мактаб 
ўқувчилари орасида овқатланишга боғлиқ патологияларнинг тарқалиш динамикаси, уларни камайтиришга қаратилган чора тадбирлар, мактаб ёшидаги болаларнинг овқатланишини оптималлаштириш йўллари, таълим муассасаларида бошланғич синф ўқувчилари учун овқатланишни ташкил 
этиш тамойиллари ва оптималлаштириш йўллари ёритилган. 
Болалар ва ўсмирларнинг ҳақиқий овқатланиши ва антропометрик кўрсаткичлари мактаб ўқувчиларининг саломатлик кўрсаткичлари изоҳланган. Болалар ва ўсмирларнинг рационал овқатланиш тамойиллари, уларнинг овқатланишини тартибга солиш ва ташкил этишнинг гигиеник асослари, ташкиллаштирилган болалар жамоаларида болаларнинг ҳақиқий овқатланишини ўрганиш усуллари баён этилган.
Монография олий ўқув юртларининг гигиеник кафедралари профессор-ўқитувчилари, илмий изланувчилар, болалар ва ўсмирлар гигиенаси амалиёт ходимлари, малака ошириш курслари тингловчилари ҳамда соғлиқни сақлашнинг профилактик тиббиёт соҳасидаги болалар, ўсмирлар гигиенаси ва овқатланиш гигиенаси мутахассислари учун мўлжалланган.