Описание книги

Ushbu uslubiy qo‘llanma tibbiyot oliy ta’lim muassasalari talabalari uchun mo‘ljallangan bo‘lib, oziqlanish fiziologiyasiga oid nazariy va amaliy bilimlarni o‘zbek tilida yoritadi. Qo‘llanmada ratsional ovqatlanish tamoyillari, oziq moddalarning organizmdagi fiziologik ahamiyati, energiya va modda almashinuvi jarayonlari, turli yosh davrlarida oziqlanish xususiyatlari hamda ovqat hazm qilish tizimining funksional asoslari bayon etilgan. Shuningdek, mavzuga doir zamonaviy ilmiy ma’lumotlar asosida oziqlanishning organizm faoliyati, o‘sish va rivojlanish, mehnat qobiliyati hamda salomatlikni saqlashdagi o‘rni yoritilgan. Uslubiy qo‘llanma tibbiyot institutlarining davolash, pediatriya va stomatologiya fakultetlari o‘quv dasturiga muvofiq tayyorlangan bo‘lib, talabalarning nazariy bilimlarini mustahkamlash va amaliy mashg‘ulotlarga tayyorgarligini oshirishga xizmat qiladi.