Описание книги

Ushbu o‘quv uslubiy qo‘llanma Samarqand Davlat Tibbiyot Universiteti “Yuqumli kasalliklar” fanidan amaliy mashg’ulotlarni o’tish uchun mo‘ljallangan. Ushbu o‘quv uslubiy qo‘llanma o‘tkir ichak kasalliklarida (o‘tkir ichak infektsiyalari) laboratoriya tekshiruvlariga oid biomateriallar (najas, qusindi, oziq-ovqat qoldiqlari, qon va boshqa biologik suyuqliklar) yig‘ish, ularni bakteriologik, serologik, parazitologik hamda molekulyar-genetik (PZR) usullarda tekshirish bosqichlari, shuningdek, qo‘zg‘atuvchini aniqlash va antibiotiklarga sezgirlikni baholash bo‘yicha amaliy ko‘nikmalarni takomillashtirish kabi bo‘limlarni qamrab olgan. Mazkur o‘quv uslubiy qo‘llanma ham nazariy, ham amaliy yo‘nalishga ega bo‘lib, talabalarga “O‘tkir ichak kasalliklari” fanidan yuzaga kelgan klinik-diagnostik savollarga oydinlik kiritishga yordam beradi. Ushbu o‘quv uslubiy qo‘llanma Davolash va Pediatriya fakultetining 5-kurs talabalariga “Yuqumli kasalliklar” fanidan amaliy mashg‘ulotlarni o‘tishga mo‘ljallangan.