Описание книги

Qo‘llanmada diyetologiyaning maqsadlari,  vazifalari,  sog‘lom va bemor bolalarni ovqatlantirish masalalari yoritilgan. Ko‘krak yoshidagi va chaqaloq yoshidagi bolalarni ovqatlantirish, bolalarning sog‘lom o‘sish va rivojlanishiga yordam beradigan muhim omildir. Bolalarni dastlabki ikki yoshigacha to‘g‘ri ovqatlanishni olib borish, bolalarni o‘tkir kasalliklarga, surunkali kasalliklarning asoratlarini kamaytirish, bolalar o‘limini kamayishida va umumiy rivojlanishning yaxshilashda muhim ahamiyatlidir. Bolalarni to‘g‘ri ovqatlantirish masalalari turli xil sohadagi, ayniqsa umumiy amaliyot va bolalar shifokorlari uchun dolzarbdir.
Qo‘llanma tibbiyot xodimlarini tayyorlash  bo‘yicha  davlat ta’lim standartlari talablariga muvofiq tuzilgan bo‘lib, zamonaviy sharoitda va turli kasalliklarga chalingan aholini ratsional ovqatlanish masalalarini  o‘z  ichiga  oladi. 
Qo‘llanmada  insonning   asosiy oziq moddalariga bo‘lgan ehtiyojlari, oziq-ovqatning ahamiyati masalalari ko‘rib chiqilgan. Asosiy standart terapevtik parhezlarning xususiyatlari berilgan. Noto‘g‘ri ovqatlanish bilan bog‘liq bo‘lgan turli xil kasalliklarda ovqatlanish masalalariga katta e’tibor qaratiladi. Qo‘llanma Tibbiyot institutlari oliy hamshiralik fakulteti talabalari uchun «Diyetologiya» fanidan, shuningdek, hamshiralar tomonidan turli xil oziq-ovqat mahsulotlarining  organizmga  va  insonga ta’siri haqida ilmiy ma’lumot olish maqsadida amaliy faoliyatda foydalanishlari mumkin.