Book description

Falsafa yo‘nalishi talabalari magistr bosqichi uchun milliy g‘oya va mafkuraning nazariy asoslarini chuqur o‘rgatish maqsadida “XII – XVIII asrlar Yaqin va O‘rta sharq falsafasida gumanizm g‘oyalari” fani kiritilgan. Ushbu fan doirasida XII – XVIII asrlarda yashab ijod etgan Sharq mutafakkirlarining insonparvarlik g‘oyalari, ularning falsafiy, ijtimoiy-siyosiy va axloqiy g‘oyalarini tahlil qilish asosida o‘rganiladi. Sharq falsafasidagi insonparvarlik g‘oyalarining o‘ziga xos xususiyatlarini va namoyon bo‘lish shakllarini (yo‘nalishlarini aniqlash orqali) Sharq mutafakkirlarining jahon falsafasi rivojiga qo‘shgan hissalariga e’tibor qaratiladi. Insonparvarlik g‘oyalarining bugungi kunda jamiyat ma’naviy yangilanishidagi o‘rni va mavqeiga, yoshlarning ma’naviy barkamollikka erishishlaridagi ahamiyatiga alohida urg‘u beriladi.