Book description

Uch yoshli oʼgʼli bilan Turkiyaga borgan Laylo ismli juvonga Istanbuldagi dugonasi ish topib beradi. Badavlat kampirga oqsochlik qilayotgan Layloning boshiga kulfat tushadi: uni kampirning qotili sifatida ayblashadi. Qotil emasligi isbotlangach, interpol bankdagi kirdikorlar tufayli hibsga oladi. Vataniga yuborilgan Layloning oʼgʼli Jahongir esa Istanbulda qolib ketadi. Rossiyalik savdogar xotin poezdda yashirincha Moskvaga olib kelib, bolani otasiga topshirmoqchi edi. Biroq poezd Bokuga yetganida, savdogar vafot etib, Jahongir bir xonadonga tushib qoladi... Аzamat Qorjovovning ikki qismdan iborat "Musofir goʼdak qismati" qissasida onasining xatolari sabab boshiga misli koʼrilmagan ogʼir sarguzashtlar tushgan bolakayning chet ellardagi sarson-sargardonlikda kechgan kunlari tasvirlangan. II kitobga mazkur qissaning ikkinchi qismi kiritilgan boʼlib, yosh musofirning Ozarbayjon, Rossiya kabi mamlakatlardagi sarguzashtlari qalamga olingan.