Book description

Жигар трансплантациясидан кейин жигар функцияси тикланишига қарамай, реципиентларнинг оғиз бўшлиғида гипосаливация, оксидатив стресс, лизоцим етишмовчилиги ва дисбиоз сақланиб қолади, бу эса иммуносупрессия шароитида кандидоз, хейлит ва пародонт касалликлари ривожланишига олиб келади. Услубий тавсияномада Ўзбекистон фармацевтика бозорида мавжуд препаратлардан тузилган полифункционал антидисбиотик схемаларнинг экспериментал асосланиши ва жигар реципиентларида комплекс антидисбиотик схема билан маҳаллий стоматологик даволашни биргаликда қўллашнинг клиник самарадорлиги келтирилган. Схеманинг таркиби, дозалари, қўллаш тартиби, иммуносупрессантлар билан хавфсиз қўллаш шартлари ва самарадорликни баҳолаш мезонлари баён этилган. Услубий тавсиянома стоматологлар, трансплантологлар, гепатологлар ҳамда тиббиёт олий ўқув юртларининг юқори курс талабалари, магистрлар ва клиник ординаторлар учун мўлжалланган.