Kitob ta'rifi

Oshqozon va o’n ikki barmoqli ichak yara kasalligi gastroenterologiya va abdominal xirurgiyaning eng keng tarqalgan kasalliklaridan biri hisoblanadi. Ushbu kasallik ko’pincha surunkali qaytalanuvchi kechishga ega bo’lib, vaqtida tashxis qo’yilmasa yoki davolanmasa og’ir asoratlar -qon ketish, perforatsiya, penetratsiya, piloroduodenal stenoz va malignizatsiya bilan kechishi mumkin.
Shu sababli shifokorlar yara kasalligining klinik belgilarini erta aniqlay olishi, zamonaviy diagnostika usullaridan foydalanishi hamda to’g’ri davolash taktikasini tanlashi muhim hisoblanadi. Bu esa bemorlarning hayot sifatini yaxshilash, asoratlar rivojlanishining oldini olish va o’lim ko’rsatkichlarini kamaytirishga yordam beradi