Book description

  Toʼrtinchi kitob kishi aʼzolaridan birontasiga xos boʼlmagan “umumiy” kasalliklarga bagʼishlangan. Bunday kasalliklarga turli isitmalar (kasallik davridagi buhronlar), shishlar (shu jumladan rak), toshmalar, yara-chaqalar, koʼyish, suyak sinishi va chiqishi, asablarning jarohatlanishi, bosh suyagi, koʼkrak qafasi, umurtqa va qoʼl oyoqlarning shikastlanishi kiritilgan. Shuningdek, mazkur asarda uzoq choʼziladigan va oʼta yuqumli kasalliklar: chechak, qizamiq, moxov, vabo va qutirish haqida soʼz boradi; zaharlar va zaharlanish haqidagi taʼlimot (toksikologiya) ning asosiy masalalari ham bayon qilinadi. Kitobning maxsus boʼlimi inson husni va chiroyini saqlashga va pardoz-andoz vositalariga bagʼishlangan. Jumladan, Ibn Sino sochni toʼkilishidan saqlaydigan hamda haddan tashqari semirib ketish yoki ozib ketishning oldini oladigan vositalarni ham tavsiya qiladi.